Pustis de tres perdidas, una fat’a s’atera, sas biancasblue si pesant a sa ritza cund’una proa galana: 25-18, 25-17, 25-16 custos sos tres partziales.
S’Hermaea torrat a binchere pustis de tres perdidas, una fatu a s’atera e agatat su riscatu colendeche meramente sa Tenaglia Altino in su campu ‘e Golfo Aranci.
Partida balente pro sas biancasblue chi ant semper mantesu sa briglia de sa gara, binchende sos tres partziales de meda puntos.
SA GARA – S’Hermaea incomintzant cun Allasia a palleggiare, Renieri a sa contra, Babatunde e Barabzeni in mesania, Miilen e Maruotti a sa banda e Caforio liberu.
Altino assopruit in Sardigna chena su capitanu Costantini (immalaidada) e dae pagu lassadant in bonora cun Angelini e Saveriano, seberat Di Arcangelo in diagonale, cun Kavalenka, Spicocchi e Zingoni in mesania, Lestini e Ollino in banda e Mastrilli liberu.mSas abruzzesas tucant cun animu , binchende sa tuccada cun lestresa 4-1, ma s’Hermaea pianu, pianu ballat in partida e cun giogu galanu che che las colat. Sas ses pitzinnas de Guadalupi si faghet a bidere a muru e fuint cun s’ace de Babatunde chi balet +5. Su mastr’istrantzu D’amico no agat s’agoniosa pesada de sas suas, chi abbarrant insegus, pustis de su servitziu vintzente de Renieri (19-13). Sa contra hermaina bessit a pizu in sa parte finale de su set, cun duos puntos fatu a paris c’agabbant sa pratica 25-18.
Matessi pesada de su segundu set, a su nessi a s’incomintzu: s’ace de de Lestini e s’atacu vintzente de Kavalenka, donant a Altino su +4, in su 9-5.S’Hermaea tribulat unu pagu, prima de agatare sa costantzia de su giogu praticadu, innanti de sighire sas istrantzas e las passare 17-15. Tando però sas piseddas biancasblue ischidant sa balia connota, ammuntonende deghe puntos fatu a s’ateru e binchende a sa manera issoro su set, 25-17.
Su terzu tempus paret pius fatzile pro sas piseddas olbiesas: Altino no resessit a defendere cun sa matessi lena de s’incomintzu e si ch’abbarrant insegus 13-6, cun duos puntos fatu a s’ateru de Allasia.
Sas herminas donant sas velas a su ‘entu, chena oriolu perunu, verso sa binchida, cumprida 25-16.
Furriare a binchere donat animu nou a sas biancasblue, chi che pigant a deghe puntos in classifica, un’accumonadu nou, chi nos ajuat a tribagliare fiduciosos sa difitzile partida de intro ‘e chida in su campu de Marsala.
“Custa est sa partida chi nois deviamus faghere” cummentat Mastru Dino Guadalupi, “semus resessidos a mantenere forte sa pressione subra sa contra nostra, gratzias a su servitziu e a su fundamentu de s’atacu. Devimus però galu creschere in difesa: toccamus medas bocias chena ressessire semper a faghere fruttare su contratacu netu. Sa perdida contr’a Sant’Elia nos at donadu coscentzia de su remediu preguntadu. B’at galu meda ite faghere, su girone nostru at unu bonu livellu e si perdumus pagu, pagu s’animu nostru, rischiamus de perdere partida contr’a donzi iscuadra. Sa binchida de oe nos donat fiducia manna e nos ammentat chi pro mantenere s’identidade de s’ischire nostru, devimus giogare cun su tempus impitadu. Cando ruet su tempus perdimus semper su riferimentu. Sun cosas chi devimus imparare luego pro la mantenere bene in memoria, ammentende chi merculis amus de giogare ind’unu campu meda tostu, comente cussu de Marsala”.
