Sa àbbilas de Taulara che colànt Trentino in battor set, tratzadas dae sa bàlia manna de Piia Korhonen
Un’imprèsa de importu mannu cussa de s’ Hermaea Olbia, chi bogat a pizu sa metzus gara de s’annada, e che brincàt a subra de coratzàda de Itas Trentino, accudìda a su Geopalace cun sa nomenàda de capulista imbinchìda de su Girone B, cun sette bìnchidas in sette garas.
Seconda bìnchida una fatu a s’àtera pro su sestetto de Dino Guadalupi, chi donat continuinada a su su blitz de Melendugno e che pigat a noe puntos in sa classifica, istejendèsi gasì, dae su perigulu.
MVP una meda manna Piika Korhonen, chi at sinnadu 30 puntos. Ma in sa proa de sas hermeinas b’at sustàntzia bundànte in donzi logu.
SA GARA – S’Hermaea tuccat cun sa diagonale Karhonen-Pasquino, Fontemaggi e Partenio in logu battor, Barbazeni e Negri in sa mesania e Blasi libero. S’ex CT de sa Nazionale Davide Mazzanti si presentat cun Prandi a su palleggiu, Weske opposta, Giuliani e Koraseva in banda, Molinaro cun Marconato in sa mesania, cun Fiori libero.
S’incomintzu est meda bilanciadu, Hermaea giocàt chena timore perunu e màntennet sa gara bia.
Su puntu a a puntu chena làcanas s’ispònnet solu a sa fine cun Korhonen che donat s’idea de sa fùa, tanchende su giogu, subra su 25-21, chi gighet a sa guida de sa àbbilas de Taulara.
Su segundu set tuccat comente su primu, cun su puntu fatu a su puntu, cando sas olbiesas torrant a leare su cumandu, cun sa capitana Partenio e si incomintzant a fuìre (18-14) e chena abbaidare in-segus tancat 25-15 e si gighent su 2-0 in sos contos.
In su terzu game torrat, comente isetadu, su cabu de sa sestina de Mazzanti, chi bene tribagliat cun Molinaro e Marconato in sa mesania e agatat puntos pretziosos cun Kosareva. Sas istrantzas, leant gasì sa guida dae incomintzu (4-0) e pustis l’agabbant subra su 25-21.
Su fogu Itas paret potat sighire a brujare in su cuartu set puru (19-14 sighende sa faddina de Blasi). S’Hermaea però no si pèrdet de animu e agatàt sa bàlia pro torrare su cabu sou, resessende puru a che colare innanti,, gratzias a sa die manna capitada a Korhonen (20-19).Sa finlandesa, chi si leàt sa boccia match subra su 24-22. Nde agabbant duas e giompent gasì a sos vantaggi. Tando sunt sas gadduresas a mantennere sa calmèsa e bìnchere sa gara, gratzias a s’attacu de Fontemaggi, chi sinnat su 31-29.
ITE SI NARAT – Dino Guadalupi: “Bella meda sa giogada, amus donadu totu su chi aiamus còntra sa pius forte de su girone. Partida pensada e giogada bene: amus postu a fruttu totu s’ischire faghere nostru e fintzas de pius. Trento at bogadu in foras tota s’tza sua in su terzu set, tando nois amus perdidu unu pagu de bàlia. Bellu a bellu semus tando furriados in gara, prima de no che colare in su finale triller. Creimus in
cust’assotziu e incomintzat a bi crere s’iscuadra puru,. Como abbaidamus cun animu ‘onu a su recuperu merculis còntra Offanengo”.
Davide Mazzanti: “Amus sueradu meda a ponnere in campu sa bàlia de s’attacu nostru, Olbia at ischidu
defendere bene meda, bìnchende cun meritu mannu. S’atza de su muro-difesa no at donadu continuidàde che in àteras dies, tando nos semus resessidos a bogare a foras, totu su ch’ischimus faghere”.
