Binchida nodida  pro su sesteto de Guadalupi, chi carrat an’domo sa prima affirmàssione de su 2022

Una binchida giara e nodida pro nos che torrare su risigheddu. S’Hermaea Olbia violat in tres set su Palasport de Lanciano, domo de sa Tenaglia Altino, e giompet a s’ottava binchida de su campionadu de Serie A2 Feminile de Volley. Affirmàssione balente e mai in dubiu pro sa abbilotas de Taulara (25-18, 25-14, 25-22 sos partziales), chi pigant a quota 25 puntos in classifica preguntende de podere torrare a s’isperu de s’area playoff.

SA GARA – S’equilibriu durat solu pagu tempus in su primu set: ambas iscuadras  giompent paris a quota 4, pustis s’Hermaea fuit sa prima orta cun Renieri (+5, 9-4). Mancari gherrende, sas meres de domo tribulant meda chirchende remediu, cando sas olbiesas sighint a creschere (galu Renieri sinnat su 17-8). Su muru vintzente de Miilen balet sa boccia de su 24-15, in fatu Altino donat sinnos de orgogliu e annullat tres match point unu fat’a s’ateru. A aggabbare su partziale est duncas Miilen, protagonista de su 25-18, finale.

No mudat meda se segundu set: s’Hermaea fuit luego subra su 15-8 cund’unu diagonale pretzisu de Maruotti (15-8). Fatzile caminu pro su sestetto di Guadalupi, chi curret fintzas a giompere a sa boccia set cun Allasia. Comotti annullat sa prima proa, ma sa faddina in battida de Olleia gighet sas sardas subra su 2-0 in contu de (25-14).

Su terzu impignu intro a sa matessi chida comintzat a pesare subra sas ancas de sas abbilottas cando tuccat su terzu game, cun Altino chi cumandat fintzas a su 7-2. Guadalupi giamat a faeddare sas suas, chi pianu, pianu torrant a agatare sa balia connotta, tenzende sa contra a quota 14. Coladas cun Gerosa 17-16, tando bi pensat Renieri a abberrere sa janna a sa fua, chi agatat logu gratzias a su primu tempus de Barbazeni pro giompere a 22-18. Sas abruzzesas no potent parare sa balia, ma sunt orgogliosas e annullant sa primas duas boccias de su match. S’attaccu vintzente de Maruotti, però, printat su 25-22 che permitit a s’Hermaea de torrare a agatare sa binchida.

“Ischiamus chi tocaiat de giogare una gara ordinada e lughente, e bi semus resessidos luego – cummentat mastru Guadalupi – in su primu set e a incomintzu de su segundu, semus resessidos bene a parare sa balia in attaccu de Kavalenka, e custu noa at ajuadu a ponnere sa gara in falada. A s’incomintzu amus vidu faddinas in ambas partes, pustis semus resessidos a fuire e totu est andadu in bonora. In su set finale, sa fadiga de sa terza gara intro una chida s’est fata intendere, pius de totu brinchende, gasì comente sa movida de Lestini dae opposta inintro a s’atera iscuadra. A sa fine bi semus resessidos a binchere. No fit una gara fatzile pro nois, ma nos ajuat meda a sighire sa chirca de sa conditzione fisica e s’ischire de su giogu nostru. Sa chida ch’intrat, comente semper, amus a chircare su recuperu de sas energias pro podere preparare sa gara de sapadu chi benit, contr’a su Marsala, cantu metzus potimus”. 

Tenaglia Altino-Hermaea Olbia 0-3 (18-25; 14-25; 22-25)

Tenaglia Altino: Meniconi, Spicocchi 4, Ollino 4, Zingoni 2, Mastrilli (L), Natalizia, Kavalenka 2, Gatto 3, Comotti 9, Olleia, Lestini 14, Di Arcangelo. Allenatore: Damico

Hermaea Olbia: Formaggio, Barbazeni 4, Allasia 5, Miilen 12, Renieri 17, Minarelli, Maruotti 10, Caforio (L), Severin, Gerosa 4. Allenatore: Guadalupi

Arbitri: Pasciari e Morgillo

 

A cura di Mario Bua Capitta