Accudint luego sos primos tres puntos de s’annada noa pro s’icuadra gadduresa, chi balantzat balente subra sas azzurrinas
Metzus no potiat incomintzare sa nona tuccada, una fatu a s’atera, de s’Hermaea Olbia in su girone A2 de sas feminas. Cund’una giogada diciosa, s’iscuadra de Dino Guadalupi binchet contr’a su Club Italia in su Geopalace e si gighet an’domo sos primos tres puntos de s’annada (25-16; 25-23; 25-19 sos partziales).
Dominadu su primu set, sas abbilotas ant ischidu cuntennere sas reatziones de sas balentes azzurrinas.
Top scorer a mesu a pare Bulaich e Schirò cun 13 puntos, ma totu s’assotziu olbiese, at ischidu donare proa de balia tosta abberu.
SA GARA – S’iscuadra de Mencarelli tuccat bene in su primu game(luego 5-2).
Sestada in presse sa capa, s’Hermaea leat a manu tenta su cumandu de su giogu: Miilen ajuat s’iscuadra sarda e che colare innanti, fintzas a +4(14-10), consitzende gasì a mencarelle de preguntare su primu timeout.
Ma Hermaea no torrat insegus mancu de unu millimetru, anzis, gratzias a un’attacu de Giuliani fuit a 18-12.
Su Club Italia no resessit a impignare pius de tantu su cumandu sardu, chi s’apropriat de su primu set cun capitan Tajè, balet 25-16.
Passada sa tribulia a s’incomintzu de su segundu set, sas biancasblù torrant a leare su cumandu, giompende a 11-8 cun su servitziu vintzente de Miilen. Sa fua si faghet tando pius nodida (ace puru pro Gannar e punteggiu subra su 16-12). Sas azzurrinas parent ruende iscradiende fintzas a su -6 pustis de su muru de de Bridi (20-14), ma tando torrant alenu furriende a -2 cun Acciarri (21-19). Ma Hermaea leat luego animu e balantzat battor boccias set gratzias a una faddina de Esposito: sas primas tres indebbadas, pustis Miilen bogat de cabu a totu e printat su 2-0 in contu de (25-23).
A incomintzu de su terzu game, se sesteto de Mencarelli (animadu dae 7 giogadoras, dae pagu campionessas europeas cun sa nazionale under 19) bi torrat a proare, fuende in lestresa innanti subra su 4-1. Detzisas a binchere chena pasu, sa gara intrea, Bulaich e cumpantzas no lassant caminu pro sa fua de su Club Italia, gratzias puru a sa balia in sa battida bona meda donada dae Miilen. Apparinada a 15, sas meres de domo torrant a leare su seguru cu s’ace de Tajè (19-15) e no si bortana pius a abbaidare insegus. Mencarelli seberat su cambiu de diagonale (bintrant Batte e Adriano) chena resessire a disturbare sa guida de sas hermeinas, che bogant de cabu a sa gara subra su 25-19 con s’attacu vintzente de Schirò.
“So meda cuntentu de sa partida de oe – cummentat Mastru Dino Guadalupi – amus bogadu a pizu un’animu atentu, balente e miradu. In carchi parte amus puru metzoradu su livellu mustradu in sa preparazione. Ischimus chi devimus galu tribagliare e meda puru: b’at ancora meda de ite creschere, comente totus. Custu resultadu nos donat s’energia chi nos bisontzat pro sa creschida e su metzoru de sa calidade nostra ”.
Hermaea Olbia-Club Italia 3-0 (25-16; 25-23; 25-19)
Hermaea Olbia: Messaggi, Fontemaggi, Miilen 10, Farina, Gannar 7, Diagne, Bulaich 13, Bridi 4, Tajè 10, Schirò 13, Barbagallo L, Bresciani. Allenatore Guadalupi
Club Italia: Accarri 11, Modesti 1, Adriano 2, Viscioni 5, Giuliani 10, Esposito 13, Monaco, Amoruso, Batte, Micheletti, Despaigne, Gambini, Passaro, Ribechi L. Allenatore Mencarelli
Arbitri: Testa e Traversa
Traduzione a cura di Mario Bua Capitta di Amistade
