Sas biancasblue tzèdent in su campu de Soverato: 3 set a 0
Aggabada sa perdida chena meda dolu, isponet gasì s’annada de s’Hermaea Olbia, binchida in tres set in su campu de Soverato in sa sesta e urtima die de sa Pool Promozione de sa Serie A2 de sas feminas (25-16; 25-19; 25-13 sos partziales).
Sa mancantzia de Schirò no at ajuadu sa àbbilas de Taulara, chi solu a mamentos sunt resessidas a parare sa balia de sas ex Korhonen e Cecchi, meres de su giogu de s’iscuadra calabresa dae incomintzu.
Isponet gasì sa bon’annada de sas hermeinas, chi mantennent sa salvidade e su derètu a giogare in sa Serie A2 pro s’annu deghe, unu fatu a s’àteru.
SA GARA – Donadu s’ammentu sentidu de totu a Julia Ituma, mancada intro ‘e chida. Sa gara tuccat in pigada pro s’Hermaea, chi a incomintzu mantenet su tempus (11-10), ruende insegus subra su 15-10 pustis de sa faddina de Gannar, chi cunsitzat su timeout a mastru Guadalupi. Torrant in campu Bresciani e Diagne, ma sas cosas no mudant: s’ex Korhonen no donat nudda e s’attacu vintzente de Giugovaz carrat a Soverato su primu set, 25-16.
Pius bilanciadu su segundu set, con sas iscuadras chi si torrant donzi colpu, fintzas a giompere a 12, tando Hermaea agatat s’atza ‘ona pro si che colare innanti, gratzias a sa balia de Bridi (14-12). Su bonu mamentu durat pagu però: Soverato difatis fuit gratzias a s’ace de Cecchi (18-15). Sas olbiesas no resessint a sighire e Korhonen agatat su mani out chi balet su 2-0 in contu set de (25-19).
Pagu mudat s’isterrida de su terzu set, cun sas meres de domo chi luego dopiant sas hermeinas subra su 12-6. Soverato giocat bene e nudda lassat a su sesteto isolanu, fuit fintzas a giompere a 18-8 e agabbat su giogu cun su servitziu vintzente de Zuliani (25-13).
“Oe amus abbojadu una die de improdu tecnicu mannu – narat Dino Guadalupi, mastru de s’Hermaea Olbia – semus tuccados fatende faddinas medas, fintzas in sa bàttida, donende gasì meda puntos a sa contra. Genericamente amus bidu pagu de su giogu nostru, suerende meda pro abbarrare in partida. Dolu mannu ca su sentidu fit de metzus tancare su caminu, ma oe abberu nudda nos at ajuadu. No amus mai agatadu s’animu pro boagare inforas s’atza connotta e s’ambiente de tristesa pagu nos at ajuadu. Fato sos complimentos mios a Soverato, ch’at bene fatu sa partida sua lassendennos pagu logu pro accontzare barriu. Ant variadu bene in attacu, pontzende a frutu sas faddinas nostras, no solu a muru ma in defesa puru. B’at garas chi potent essere achividas solu donende su chento pro chentu a livellu mentale puru. Meda nos fit piachidu de tancare unu pagu metzus, abbarrat sa cuntentesa pro aere giompidu a s’òbligu de s’annada”.
VOLLEY SOVERATO – VOLLEY HERMAEA OLBIA 3-0 (25-16 25-19 25-13)
VOLLEY SOVERATO: Giugovaz 8, Cecchi 14, Malinov 2, Schwan 16, Tolotti 2, Korhonen 14, Ferrario (L), Zuliani 1. Non entrate: Cherepova, Barbaro, Giambanco, Salviato. All. Chiappini. VOLLEY HERMAEA OLBIA: Miilen 7, Taje’ 6, Bridi 3, Bulaich Simian 11, Gannar 4, Messaggi 4, Barbagallo (L), Fontemaggi 1, Bresciani, Diagne. All. Guadalupi.
ARBITRI: Capolongo, Stancati.
NOTE – Durata set: 21′, 23′, 21′; Tot: 65′.
MVP: Cecchi.
Mario Bua Capitta di Amistade
