Biancasblue binchidas in battor set in su campu de Mondovì pustis de una bona gara
Cun onore contr’à una de sas metzus de su Girone. Hermaea sighit a accoglire pagu fora ‘e domo, oe in su taraflex de Mondovì, vittoriosa in 4 set in sa gara de sa 9^ die de sa furriada. Perdidos male sos primos duos set, sas abbilas de Taulara ant bogadu atza gioghendesila paris contr’à un’iscuadra de altu livellu, guidada dae una Decortes mala a parare (29 puntos). Vittoriosas cun meritu in su terzu partziale, Bulaich e compantzas ant fatu ‘ene fintzas in su cuartu set, guidadu pro meda tempus e perdidu solu in a su vantaggi. E si restat ranchidumine pro su puntu mancadu, chi aiat potidu ajuare pro s’accurtziare a sa zona Poule Promotzione, leamus puru cuscentzia de su metzoru bidu in sas ultimas garas intro ‘e domo contr’à Busto Arsizio e Brescia.
Sas hermeinas b’ant a proare como contr’à Montale (in domo) e Lecco (in foras )in sa urtimas duas garas de s’annada. Albese, binchida issa puru, abbarrat a +3, ma su giogu est semper abbertu.
SA GARA – Guadalupi torrat a Schirò in su logu de opposto, Bridi a su palleggiu, Miilen e Bulaich in su logu 4, Tajè e Gannar in sa mesania cun Barbagallo libero. Mondovì presentat invece Giroldi in diagonale cun Decortes, Grigolo e Longobardi in banda, Riparbelli e Pizzolato in sa mesania, tando Bisconti est su libero.
Sas monregalesas tuccant cumbinchidas e fuint subra su 9-4 cun un’attacu balente de Grigolo. Pustis de su timeout preguntadu dae mastru Guadalupi, sas biancasblue leant animu nou e cun tres ace unu fatu a s’àteru de Schirò, accurtziant fintzas a su -2 (10-8). Mondovì gratzias a Decortes torrat a tramas de giogu fuende innantis (15-8). Custa orta sa pesada hermaina benit mancu, tando sa fuida de sa Lpm giompet fintzas a su +10 (22-12) prima de achivire su primu set 25-16 guidada, comente semper, dae Decortes.
Sas “puminas” cumandana puru su segundu game (ace de Longobardi pro s’8-3). Guadalupi tando chircat balia noa in panchina, proat Bresciani in regia, Diagne in sa mesania e Fontemaggi in banda. Mondovì, sighit a giogare chena faddinas e binchet cun autoridade 25-15.
Hermaea agatat tando balia a incomintzu de su terzu set, con Tajè chi ponet a terra su 6-2 pustis a una faddina in ricetzione de sa contra. Solforati, orioladu preguntat su primu timeout de sa partita subra s’8-3 pro sas sardas, chi metzorant in sa segunda linea e giompene a doppiare sa contra 12-6. Cun s’ajudu de sa bona sorte sa piemontesas torrant in gara fintzas a su -3 (15-12). Bridi e compantzas mantennent su cabu e che tratzant insegus sa furriada ‘e sa contra +6 subra su 20-14 pustis de s’attacu out de Giroldi). Miilen si leat sa prima boccia set cun unu mani out (24-19), ma Mondovì no s’arrendet e gherrarrat fintzas a su -2, tando Miilen la tancat in diagonale, ajuende sas suas a accurtziare su contu (25-22).
Su cuartu set tuccat bene bilanciadu, cun sas iscuadras apparinadas fintzas a cuota 11. Poi Mondovì fuit gratzias a carchi faddina olbiesa (14-11), cunsitzende Guadalupi a giamare tempus e a mintere Fontemaggi in banda. S’inertzia però abbarrat in manu a sas meres de domo, chi bolant a +5 cun unu bellu lungolinea de Decortes (20-15). Miilen si garrigat s’Hermaea chi apparinat gratzias a 5 puntos unu fatu a s’àteru. Si torrat umpare, cando s’attacu in rete de Bulaich donat a Mondovì sa prima boccia match, ma sas biancasblue resessint a nd’agabbare duas, bortende sa gara a su vantaggi. Su cunfrontu si faghet semper pius gherradu, ma a sa fine Grigolo mujat su filu de su bilanciamentu a sa parte de sas piemontesas, chi, si puru patende meda sufferentzia, giompene a sa binchida piena (28-26).
“Amus patidu sa tuccada nostra pagu segura – commentat mastru Guadalupi – comente meda bortas nos capitat fora ‘e domo. Oe amus bidu unu bonu recuperu e custa no est cosa de pagu contu. Sa contra est iscuadra forte, ma nois nos l’amus giogada comente si devet, mustrende chi no fimus de mancu a issas. Puntu a puntu amus binchidu unu bellu set, tando in su cuartu no semus resessidos a ponnere a frutu sa parte de mesania. B’aiat cherfidu un’atzigu de curaggiu in pius, ma como b’at pagu ‘e ite narrere. Su puntu nos aiat apidu ajuadu meda, ma so seguru chi nois amus a remediare in sas garas bennidoras”.
Lpm Bam Mondovì-Hermaea Olbia 3-1 (25-16; 25-15; 22-25; 28-26)
Mondovì: Zech 1, Longobardi 14, Populini, Giubilato, Colzi 1, Pizzolato 13, Grigolo 15, Riparbelli 5, Giroldi 1, Takagui, Decortes 29, Bisconti L. Allenatore: Solforati
Hermaea: Messaggi 2, Fontemaggi 3, Miilen 13, Gannar 1, Diagne 2, Bulaich 15, Bridi 3, Bresciani 1, Tajè 8, Barbagallo L, Schirò 10. Allenatore: Guadalupi
Arbitri: Russo e Fontini
