Sa Bsc Materials Sassuolo binchet in tre set in su Geopalace e achivit sa settima binchida una fatu a s’àtera
Passados tres meses ruet su fortificadu de su Geopalace. Hermaea si la gherrat, ma donat sa resa intro sos muros de intro ‘e domo còntra sa pius balente Bsc Materials Sassuolo, bonas a cumprire sa settima binchida, una fatu a s’àtera, (3-0, 28-26, 25-22, 25-20 sos tres partziales). Sas àbbilas de Taulara, chi ant devidu faghere a mancu de Miilen, galu malaida no sunt resessidas a furriare sa proa manna donada in sa gara de intro ‘e chida contra Cremona, ruende dae sos colpos retzidos dae s’assotziu emilianu.
SA GARA – Hermaea seberat sa diagonale Bridi-Schirò, Fontemaggi e Bulaich in logu battor, Tajè e Gannar in sa mesania e Barbagallo libero. Sassuolo rispondet cun Scacchetti a su palleggio, Busolini opposto, Manfredini e Civitico in sa mesania, Pistolesi e Martinez Vela in banda, libero est Pelloni.
Sas olbiesas tuccant bene meda, fuènde innanti subra su +4 (12-8), giompende gasì su muru vintzente de Bridi chi cunsitzat a su mastru istrantzu de preguntare su timeout. Su vantagiu sighit a creschere cun s’atacu out de Pistolesi, pustis bellu a bellu Sassuolo accontzat barriu, fintzas a giompere a su -1. Hermaea torrat s’atacu insegus ma s’idet tenta a 19 dae Busolini. Dae tando in fatu sighit unu puntu a puntu, cun su sesteto de Guadalupi chi si leat sa boccia set cun Schirò (24-23), aggabada dae Manfredini. Si colat a sos vantaggi e a sa fine tenet sa rejone Sassuolo, che si gighet tinnanti gratzias a sa murada de Pistolesi subra sa fast de Tajè (28-26).
Bilanciada ‘ene puru sa tuccada de su segundu, con sas iscuadras chi caminant umpare fintzas a 12. Pustis sa Bsc Materials nde pesat su livellu in sa bàttida e si leat su tempus (ace di Pistolesi e vantagiu 17-15). Sas hermeinas iscradiant insegus fintzas de 4 puntos devidu a un’ateru servitziu vintzente de Civitico (20-16), pustis minimant sa perdida ma mancat sa continuidade. Sas biancasblue istrantzas, tando leant pius curagiu e profitant pro tancare su set cun Pistolesi subra su 25-22.
Leadu animu bonu, Busolini e cumpantzas abberint creschende su terzu game (ace pro su 7-4). Detzisas a mantennere invioladu su fortificadu issoro sas sardas ant gherradu fintzas a apparinare a sue 8. Sassuolo sighit a giogare coment’ischit e torrat a guidare bolendechet a +6 gratzias a sa fast de Manfredini. Sas àbbilas de Taulara torrant tando a furriare de animu e che pigant a -3 (Pistolesi fuori misura), ma in sas ultimas giogadas l’Idea Volley no isetat pius e tancat su match 25-20.
SOS CUMMENTOS – “Creo chi oe sos partziales de sos set no nos narant totu – contivitzat su Mastru de s’Hermaea Dino Guadalupi – in su primu set Sassuolo no est tuccada gasì comente ischit, subratotu in sa bàttida. Tando bisontzat profitare, invece s’iscuadra at lassadu logu a sa nervosidade, lassende ruere sa bona balia, subratotu in sas rejones fundamentales de segunda linea. Ischiamus chi deviamus gherrare contra un’iscuadra dotada de bona identidade, pronta a la torrare a giogare medas bortas. Furriende s’atacu issoro amus perdidu òrdine de ideas. Tando amus pagu ispintu in sa bàttida. Abbarrat s’oriolu ca no l’amus affrontada cun animu pius liberu”.
“Semus colende unu bonu mamentu e ses bidu ‘ene – narat su Mastru de sa Bsc Materials Sassuolo Maurizio Venco – amus praticadu unu giogu lestru, pagu fatzile a comprendere pro sos àteros. Devo donare sos complimentos a s’iscuadra mea chi no s’est mai perdida de animu. È istada una gara gherrada, chi meda amus timidu. Hermaea giocat bene, at unu bonu palleggiadore e attaccantes de calidade manna. Toccat e defendet meda bene aberu, nois ischiamus chi no potiamus mai lassare pasare sos colpos”.
Traduzione di Mario Bua Capitta di Amistade
