Cuarta bìnchida de sas àbilottas, torra vintzentes in sae PalaMoncada: 27 puntos de Renieri
No s’est galu frimmada sa cursa de s’Hermaea Olbia, chi accabbat su PalaMoncada de Porto Empedocle e achivit sa cuarta binchida, fatu a s’atera in su campionadu de A2. Sas àbbilotas de Taulara ant’ischidu mujiare sa resistentzia de s’Aragona trazada dae sos puntos de Zech, gratzias a una proa sinnada dae carattere e bona balia.
Mastru Guadalupi at’apidu sos cabos isettados, comente semper dae su s’assotziu comunu de s’iscuadra: Renieri at’ischidu trazare s’atacu (27 puntos), ma sunt pigadas a pizu sa defesa de sa capitana Caforio, s’ajudu donadu suta rete dae Barbazeni, su geniu in banda de Maruotti e Miilen. Mentovu mannu balantzat Gerosa puru, ch’at giogadu in logu de Barbatunde c’at apidu un’infortuniu.
SA GARA – Duncas Guadalupi seberat Allasia in diagonale cun Renieri, Barbazeni e Gerosa in sa mesania, Miilen e Maruotti in banda e Caforio liberu. Sas meres de domo de Aragona, issas puru tribuladas dae sos infortunios, proponent Casarotti in palleggiu, Zonta a sa contra, Negri e Cometti in sa mesania, Zech e Dzakpovic in banda, Vittorio liberu.
Bona sa tuccada de sas àbbilotas, chi cun sa diagonale de Miilen giompent luego su 7-2. Su mastru sicilianu Micoli giamat tando su timeout, ma s’estone est in bona die e cund’unu paloneto galanu fuit puru de pius. Sutta de 10 (13-3), Aragona proat a mediare unu cabu, mintende Caracuta a guidare, in logu de Casarotti e recessi gasì a giompere fintzas a su -3 (19-16 cun s’ace de Cometti, capatze de balente serie in sa bàttida) minettende gasì sa cunfidentzia de sa herminas, chi chircant fortza majore in sa retzida mintende formaggio in logu de Maruotti. Sa cuntesa torrat in paris, ma s’Hermaea agatat in su mamentu de su bisonzu sa lughe perdìda, pro accabbare sos contos: Renieri si leat sa boccia set e pustis falat a terra s’ace de su 25-20.
S’aragona detzisa a ponnere remediu, tuccat metzus in su segundu game, cun sa montenegrina Dzakovic chi sinnat s’ace de su 10-5. Tando Guadalupi puru chircat remediu bidende sa pena de s’iscuadra sua, ma Dzakovic est mala a parare e spinghet sas suas fintzas a su +8. Pianu, pianu sas olbiesas torrant a faghere su giog’issoro balantzende su -1 cun su servitziu vintzente de Renieri (19-18). Sa contra toscana giompet su paris a 20 cund’unu atacu galanu in diagonale. Su puntu contra ‘a puntu finale premiat però Aragona, chi faghet leva subra sos duos Dzakovic-Cometti pro balantzare sa paridade de sos contos (25-23).
A incomintzu de su terzu set s’Hermaea torrat a agatare aminu onu e luego fuit 7-3 cun Miilen. Barbazeni pesat boghe sutta rete e sas sardas giompene a dopiare sa contra. Aragona non resessit a parare sa balia de sas biancasblue, chi mancari lassende carchi puntu in caminu, in su finale accabbant su set chena tribulare meda 25-18, cun s’atacu de Maruotti dae logu 4.
Su cuartu set tuccat paris, puntu a puntu, pustis Aragona torrat a fuire 10-6. Sas àbbilas de Taulada sun malas a domare, sighint sa contra a cuota 11 e pustis che la colant, pontzende a fruttu sa ‘ena de Maruotti. S’iscuadra ‘e Micoli si tenet a galla cun Stival e Cometti, ma solu pro pagu tempus, prima ‘e cuntzedere sa resa: Barbazeni si faghet a gigante de su muru e Renieri sinnat sa binchida cund’una parallela galana (25-19). Festa manna pro s’Hermaea, chi gratzias a sa settima binchida de cust’istagione che pigat a su cuartu logu de sa classifica, cun 21 puntos.
“Semus meda contentos de nos gighere an’domo custa binchida – cummentat su mastru biancublue Dino Guadalupi – pariat fatta in su primu set, cando Caracuta Aragona at mudadu marcia, furriende in partida, donende pensamentos a sa defesa nostra. In su segundu set semus ruttos dae una faddina a s’atera, semus puru resessidos a sestare sa capa e sa sorte no nos at ajuada, ma sa contra l’at binchida cun meritu. Pusti amus accabbadu s’illanare e fattu fruttare cossu ch’est s’ischire e sa balia nostra de su mamentu. Nos leamus custos tres puntos, chi meda pesant pro sa classifica nostra, como ponimus a fruttu sa pasada pro su recuperu de s’energia fisica. S’iscuadra nostra, comente med’ateras incomitztat a suffrire s’strachidudine causada dae totu sos impignos de sos tempos nostros”.
Seap Dalli Cardillo Aragona-Hermaea Olbia 1-3 (20-25; 25-23; 18-25; 19-25)
Aragona: Bisegna ne, Zech 14, Ruffa, Caracuta 2, Casarotti, Zonta 1, Cometti 9, Negri 10, Dzakovic 15, Stival 8, Vittorio L. Allenatore: Micoli
Hermaea: Barbazeni 8, Allasia 3, Fezzi, Miilen 20, Renieri 27, Minarelli ne, Maruotti 14, Caforio L, Severin ne, Gerosa 6, Formaggio. Allenatore: Guadalupi
Arbitri: Capolongo e Pasciari
